- ти благодарам Боже за нај овој чудесен
ти благодарам Боже за нај овој чудесен
ден:за зелените извишени души на дрвјата
и за синиот вистинит сон на небото; и за сè
што е природно и бескрајно и што вели да
(јас кој бев умрен денеска пак земам здив
и ова е ден на сонцето; роденден е денеска
на животот љубовта крилјата: пак сум жив
на земјата радосна настанлива бесконечна)
како преку нашиот вкус допир вид слух
здив, како кој било-кренат од не и ни-
штожност-кој било човечки прост дух
да се сомнева во незамисливото Ти?
(сега ушите на моите уши се разбудени
и сега очите на моите очи се отворени)